Aqtóbede úsh oqýshy sý qoımasyndaǵy seń ústinde qalyp qoıǵan
AQTÓBE. QazAqparat - Aqtóbede mektep oqýshylary sý qoımasyndaǵy seń ústinde sekirip oınap júrip, aǵyp ketti. Qutqarýshylar olarǵa der kezinde kómek kórsetken, dep habarlaıdy QazAqparat tilshisi.
Aqtóbe sý qoımasynda úsh bala muzdan muzǵa sekirip oınap júrip, kútpegen jaǵdaıǵa tap boldy. Keshe saǵat 9:30-da 2003, 2004 jáne 2010 jyly týǵan balalardyń seń ústinde turǵanyn qutqarýshylardyń kózi shalǵan. Ádettegi reıd jumysy úsh oqýshynyń ómirin saqtap qaldy.
«Úsh oqýshy sý qoımasyndaǵy muzdan muzǵa sekirip oınaǵan. Seńniń arasy 20 sm bolǵan. Kenetten jel kúsheıip, olar 20 metrge deıin jaǵadan uzap ketken. Bári bir seńniń ústinde boldy. Sý aǵyny olardy bógetke qaraı alyp ketpek boldy. Sol kezde qaıyqpen baqylaý júrgizgen qutqarýshylar kórip, balalardy aman alyp qaldy. Balalar seń ústinde turǵanyna kóp bolmaǵan. Boılary muzdap, tońyp úlgermegen. Qutqarýshylar eskertý berip, úılerine jiberdi», - dedi Aqtóbe oblystyq TJD jedel qutqarý jasaǵy kezekshi-dıspetcherlik qyzmetiniń jetekshisi Oksana Kıchıgına.
Aıta keteıik, oqýshylar - sý qoımasy mańyndaǵy ıAsnyı eldi mekeniniń turǵyndary. Qutqarýshylar balalardy ustap, olardyń ata-analaryn shaqyrýǵa quqyǵy joq. Sondyqtan ózderi aıtqan derekter boıynsha aty-jónderi men týǵan jyldaryn surap, eskertý berip, úılerine jiberdi.
Illıýstratıvnoe foto: nevalyashki-ozgdou21.edumsko.ru
