Aqtóbede úsh kólik soqtyǵysyp, júrgizýshi kóz jumdy
AQTÓBE. KAZINFORM — Jol-kólik oqıǵasy búgin túste tirkeldi. Kólik ishinde bolǵan eki jolaýshy aýrýhanaǵa jetkizildi.
Jol-kólik oqıǵasy Samara-Shymkent tasjolynyń Hromtaý aýdany Aqjar aýyly mańynda boldy. Jolda «Nissan X-Trail», «Hyundai Getz» jáne «Lexus LX 470» avtokólikteri soqtyǵysty. Qazir bul joldyń bir bóligine jóndeý jumysy júrgizilip, qoldanysqa berildi. Kólikter dál osy aralyqta soqtyǵysqan.
— Jol-kólik oqıǵasy saldarynan «Hyundai Getz» avtokóliginiń júrgizýshisi oqıǵa ornynda qaza tapty. Osy avtokólikte bolǵan eki jolaýshy Hromtaý aýdandyq ortalyq aýrýhanasyna jetkizildi. Atalǵan fakti boıynsha qylmystyq is qozǵaldy, — dep habarlady Aqtóbe oblystyq PD baspasóz qyzmeti.
Buǵan deıin habarlaǵanymyzdaı, Aqtóbe-Atyraý baǵytynyń Qandyaǵash qalasy mańynda Toyota Camry avtokólikteri soqtyǵysty. Jol apatynan alty adam opat boldy.
