Aqtóbede úsh er adam marıhýanany eki bóshkege salyp, shatyrǵa jasyrǵan
ASTANA. KAZINFORM — «Qarasora — 2026» jedel-profılaktıkalyq is-sharasy barysynda polıtsııa qyzmetkerleri esirtkiniń zańsyz aınalymyna qatysty derekti anyqtady. Oblys ortalyǵynda úsh adam ustalyp, olardyń biriniń úıiniń shatyrynan 25 keliden astam marıhýana tabyldy.
Jedel-izdestirý is-sharalarynyń nátıjesinde oblys ortalyǵynyń úsh turǵyny qolǵa tústi.
Turǵyn úılerdiń birinde júrgizilgen tintý kezinde qyzmettik ıt úıdiń shatyrynan eki bóshkeni tapty. Olardyń kólemi — 50 jáne 25 lıtr. Bóshkelerdiń ishinen ósimdik tektes zat tárkilendi. Saraptama onyń marıhýana ekenin rastady. Jalpy salmaǵy 25 keliden asady.
Budan bólek, ekinshi kúdiktiniń úıin tintý kezinde polıtsııa esirtki bolýy múmkin zat salynǵan paket pen ony tutynýǵa arnalǵan quraldardy tárkiledi.
Aldyn ala málimet boıynsha, ustalǵan úsh azamattyń barlyǵy qolǵa túsken kezde esirtkilik masań kúıde bolǵan.
Qazir atalǵan derek boıynsha sotqa deıingi tergeý bastaldy. Polıtsııa qyzmetkerleri oqıǵanyń mán-jaıyn, sondaı-aq esirtkiniń jetkizilýi men taralýynyń yqtımal joldaryn anyqtap jatyr.
Eske salaıyq, munyń aldynda Aqtaýǵa 113 kapsýla esirtki jutyp kelgen Iran azamaty sottalǵanyn habarlaǵan edik.
