Aqtóbede úsh balanyń anasy asýly kúıinde tabyldy
AQTÓBE. QazAqparat - Aqtóbede 33 jastaǵy áıel asýly kúıinde tabyldy. Polıtsııa málimetinshe, ol áleýmettik jelidegi paraqshasynda jazba qaldyryp, keshirim suraǵan, dep habarlaıdy QazAqparat tilshisi.
«28 naýryz kúni tańerteń «Volga» garaj kooperatıviniń artynan 33 jastaǵy Aqtóbe qalasynyń turǵynynyń máıiti tabyldy. Sot-medıtsınalyq saraptama júrgizý barysynda dene jaraqattary men zorlyq-zombylyq belgileri anyqtalmadyn. Sondaı-aq, marqum ózine qol jumsar aldynda áleýmettik jelidegi paraqshasynda hat jazyp, týystarynan keshirim suraǵan», - dep habarlady oblystyq Polıtsııa departamenti baspasóz qyzmetiniń jetekshisi Erbolat Sarqulov.
Qazir óz-ózine qol jumsaý deregi boıynsha sotqa deıingi tergeý bastaldy.
