Aqtóbede úsh aptadan beri jas jigit izdestirilip jatyr
AQTÓBE. QazAqparat - Aqtóbe qalasynyń 24 jastaǵy turǵyny Batyrhan Ǵalıaqbar úıinen shyǵyp ketip, oralmaǵan. Polıtsııa jas jigitti úsh aptadan beri taba alar emes, dep habarlaıdy QazAqparat tilshisi.
Aqtóbe qalasynyń 24 jastaǵy turǵyny Batyrhan Ǵalıaqbar 16 qyrkúıek kúni úıinen shyǵyp ketken. Eki kún boıy jan-jaqqa habar berip, óz kúshterimen izdeý jumystaryn júrgizgen týystary 19 qyrkúıekte polıtsııaǵa aryz jazdy. Aqtóbe oblystyq ІІD baspasóz qyzmetiniń habarlaýynsha, izdeý júrip jatyr.
«Іnim Batyrhan Ǵalıaqbar buǵan deıin bizderge habar bermeı úıden ketken emes. Ol deni saý bala bolatyn. Ásker qataryna alynyp, Astana qalasynda Otan alyndaǵy boryshyn ótegen kezde basynan jaraqat alǵan. Medıtsınalyq qorytyndysy da bar. Jazda ǵana úıine oraldy, kóktemde qandaı aýrýy shyǵatynyn bilmeımiz. Qazir polıtsııa izdep jatyr. Biraq esh habar bolmady. Іnim úılengen joq, ásker qataryna kesh bardy», - dedi joǵalǵan jigittiń aǵasy Dáýren Nııazov.
Aıta keteıik, Batyrhan Ǵalıaqbar aq kúrteshe, djınsy shalbar kıgen. Ol telefony men qujattaryn úıine qaldyryp ketken.
«Іnim álsiz jigit emes. Ol jaýapkershiligi bar adam, únemi qaıda júrgenin habarlap otyratyn edi. Qazir qaıdan izderimizdi bilmeı otyrmyz»,- dedi Dáýren Nııazov.
