Aqtóbede úsh adamnan koronavırýs ınfektsııasy anyqtaldy
AQTÓBE. QazAqparat – Aqtóbede profılaktıkalyq maqsatta PTR tapsyrǵandardan koronavırýs ınfektsııasy anyqtaldy, dep habarlaıdy QazAqparat tilshisi.
Ótken táýlikte Aqtóbede 3 adamnan COVID-19 anyqtaldy. Onyń bireýiniń klınıkalyq sımptomy bar, ekeýi sımptomsyz. 32 jáne 44 jastaǵy eki er adam da - Aqtóbe qalasynyń turǵyny. Olar profılaktıkalyq maqsatta tekserildi. PTR qorytyndysy kezinde COVID-19 dıagnozy qoıylǵan.
«33 jastaǵy er adam jedel respıratorly vırýstyq ınfektsııa sımptomdarymen dáriger kómegine júginip, odan synama alyndy. Tekserilgen kezde qaýipti indetke shaldyqqany anyqtaldy. Qazirgi tańda úı karantınine 37 adam alynyp, olarǵa medıtsınalyq baqylaý júrgizildi», - dedi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
Aıta keteıik, oblysta KVI-men aýyrǵan 3261 jaǵdaı tirkeldi. Onyń ishinde 98,4% jazylyp shyqty.
