Aqtóbede úsh adam mert bolǵan jol apatyna qatysty qylmystyq is qysqartyldy

AQTÓBE. KAZINFORM – Aqtóbede jeńil kólik pen GAZel soqtyǵysyp, úsh adam mert bolǵan edi. Polıtsııa jol apatynan keıin tergeý júrgizip, sotqa jetkizgenimen, is qysqartyldy.

Aqtóbe-Atyraý tasjolynda bolǵan jol-kólik apatynan soń Qylmystyq kodekstiń 345 baby 4 bóligimen is qozǵalyp, tergeý júrdi. Arada eki aı ótkende is Aqtóbe oblystyq qylmystyq ister jónindegi mamandandyrylǵan aýdanaralyq sotyna tústi. 

— Іs sotqa túsip, sýdıa taǵaıyndaldy. Alaıda sottalýshynyń qaıtys bolýyna baılanysty is toqtatyldy, — dep habarlady Aqtóbe oblystyq sotynyń baspasóz qyzmeti. 

Eske salsaq, tamyz aıynda Aqtóbe — Atyraý tasjolynyń Alǵa aýdany aýmaǵynda «VAZ-2115» jáne «GAZel» avtokólikteri soqtyǵysty. «VAZ-2115» avtokóliginiń júrgizýshisi men eki jolaýshy kóz jumdy. Onyń bireýi jasóspirim.