Aqtóbede urlyq jasamaq bolyp kelip qonaqty óltirgen qylmyskerge úkim shyqty
AQTÓBE. QazAqparat -Aqtóbede urlyq jasamaq bolyp úıge kirip, birinshi qabatta uıyqtap jatqan qonaqqa pyshaq suqqan qylmyskerge úkim shyqty, dep habarlaıdy QazAqparat tilshisi.
Aqtóbe oblystyq qylmystyq ister jónindegi mamandandyrylǵan aýdanaralyq sotynda Janbolat Ataýovqa úkim shyqty. Sýdıa Altynbek Sabyrov 51 jastaǵy Nurǵazy Boranqulǵa 16 ret pyshaqtaǵan J.Ataýovty 20 jyl bas bostandyǵynan aıyrý jazasyn kesti. Sonymen qatar, ol jábirlenýshiniń otbasyna 1,6 mıllıon teńge sot shyǵyndaryn tóleýi tıis. Sottalýshy jazasyn qatań tártiptegi túzetý mekemesinde óteıdi.
Eske salsaq, ótken jyldyń 26 jeltoqsanynda túngi saǵat 3:20-da Janbolat Ataýov úsh qabatty jeke úıge kirip, tonamaq bolady. Ol aldymen as úıge kirip, tamaqtanyp alǵan. Іshimdik te ishken. Keıin as úı pyshaǵymen basqa bólmede jatqan qonaqty 16 ret pyshaqtaǵan. Búgin sot úkimine qatysqan jábirlenýshi Nurǵazy Boranquldyń týystary appelıatsııalyq shaǵym túsirmeıtinin aıtty.
