Aqtóbede «Ýral» mototsıkli aýdarylyp, 43 jastaǵy turǵyn kóz jumdy
AQTÓBE. QazAqparat – Baıǵanın aýdanynyń Noǵaıty aýylynda «Ýral» mototsıkli aýdarylyp, 43 jastaǵy turǵyn kóz jumdy, dep habarlaıdy QazAqparat tilshisi.
Baıǵanın aýdany Noǵaıty aýylynyń 43 jastaǵy turǵyny «Ýral» mototsıklimen mal izdeýge shyqqan. Ol rýlge ıe bola almaı, oń jaǵyna aýdarylǵan.
«Kóptegen aýyr dene jaraqatymen er adam Baıǵanın aýdanynyń ortalyq aýrýhanasyna jetkizilgenimen, kóz jumdy. Atalǵan fakti negizinde Qylmystyq kodekstiń «Abaısyzda adam ólimine ákep soqqan jol qozǵalysy erejesin buzý» baby boıynsha sotqa deıingi tergeý júrgizildi», - dedi oblystyq PD baspasóz qyzmetiniń jetekshisi Erbolat Sarqulov.
