Aqtóbede Ulttyq ulannyń 33 jaýyngerine páter kilti tapsyryldy
ORAL. QazAqparat - Táýelsizdik kúnine oraı Aqtóbe qalasynda 6655-áskerı bólimniń 33 qyzmetkerine páter kilti tapsyryldy, dephabarlaıdy QazAqparat tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, 33 áskerı otbasy «Nur Aqtóbe» jańa shaǵyn aýdanyndaǵy kottedj úılerine ıe boldy.
Páter ıelerine Aqtóbe qalasynyń ákimi Іlııas Ispanov kiltterin tabys etti.
Onyń sózine qaraǵanda, Elbasy tapsyrmasyna sáıkes Qazaqstanda áskerı qyzmetkerlerdi de baspanamen qamtý júzege asyrylyp keledi. Olar «Áskerı baspana» jáne «Nurly jer» memlekettik baǵdarlamasy boıynsha «Turǵyn úı qurylys jınaq banki» arqyly tómen paıyzben baspanaǵa qol jetkizýde.
Barlyq úılerge ınjenerlik jeli tartylǵan, aýlalary abattandyrylǵan.
Sharaǵa qatysqan 6655-áskerı bólim komandıri, podpolkovnık Mıras Turdalın uzaq jyl osy salada qyzmet etken jandardyń kópten kútken qýanyshtaryna qol jetkizgenin atap ótti. Kelisimshartpen qyzmet etetin starshına, kóp balaly áke Aıdar Qarasholaqov osynyń bári uly mártebeli Táýelsizdiktiń arqasy ekendigin málim etti.
«Meniń jubaıym 6655-áskerı bóliminde kelisimshartpen on jyldan astam ýaqyt boıy qyzmet etip keledi. Ulyq meıram qarsańynda qonys toıyn toılap jatqanymyzǵa qýanyshtymyz», dedi áskerı qyzmetkerlerdiń biriniń zaıyby Asylzat Ermaǵambetova.
