Aqtóbede ulttyq qaýipsizdik qyzmeti «Baıkal» tapanshasyn tasymaldaǵandardy ustady
AQTÓBE. QazAqparat - Aqtóbede «Baıkal» tapanshasyn zańsyz tasymaldaǵan eki kúdikti ustaldy, dep habarlaıdy QazAqparat tilshisi.
Aqtóbe oblystyq Іshki ister departamenti, Ulttyq qaýipsizdik komıtetiniń oblystyq departamenti jáne Memlekettik kirister departamentiniń arnaıy ekonomıkalyq tergeý qyzmeti birlesip, qylmystyq uıymǵa jetkizilgen qarýdy tárkiledi.
«Aqtóbe qalasynyń 40 jáne 45 jastaǵy turǵyndary qylmys ústinde ustaldy. Olardan 11 «Baıkal» tapanshasy men 9 mm 560 oq-dári tabyldy. Qarý zańsyz tasymaldanǵan. Búgin olar ustalyp, ýaqytsha tergeý ızolıatoryna qamaldy. Ekeýi de jumys istemeıdi, buryn sottalmaǵan. Osy oqıǵaǵa qatysty Qylmystyq kodekstiń «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» baby boıynsha is qozǵaldy. Tergeý júrip jatyr», - dep habarlady oblystyq ІІD baspasóz qyzmeti.
Kúdiktilerdiń kinási dáleldense, olar 3 jyldan 8 jylǵa deıin bas bostandyqtarynan aıyrylady.
