Aqtóbede ulttyq qaýipsizdik departamentiniń qyzmetkerleri sottalyp jatyr
AQTÓBE. QazAqparat - Aqtóbede qylmystyq ister jónindegi mamandandyrylǵan aýdanaralyq sotynda búgin sot aldy tyńdaý ótti, dep habarlaıdy QazAqparat tilshisi.
Іs materıaldaryna súıensek, Ulttyq qaýipsizdik komıtetiniń Aqtóbe oblysy boıynsha departament qyzmetkerleri Aslanbek Tahaýev pen Kárimbaı Dabylov Qylmystyq kodekstiń «Bılikti nemese laýazymdyq qyzmetti asyra paıdalaný», «Qorqytyp alý» baptary boıynsha aıyptaldy. Asa aýyr jáne aýyr qylmys jasady dep aıyptalǵan eki qyzmetker «Atyraý Servız KZ» kompanııasynyń esepshotynda jatqan 200 mıllıon teńgeni qolma-qol alýǵa kómektespek bolady. Kompanııa esepshotyndaǵy qarjyny alý týraly oı reseılik azamat Ivashkevıchke tıesili. Ol da buryn qaýipsizdik komıtetinde jumys istegen. Alǵashqy kelissóz kezde qomaqty qarjyny alýǵa kómektesý úshin 8 mıllıon teńge beriletini týraly aıtylǵan. Degenmen ulttyq qaýipsizdik qyzmetkerleri óz jumystaryna 15 mıllıon teńge surady. Qylmystyq is boıynsha eki jábirlenýshi bar. Olar esepshi bolyp jumys istep, qyzmet kórsetken B.Nurasheva men B.Maratuly.
Іs materıalyna súıensek, aqshanyń bir bóligi qolma-qol alyndy. Esepshi kompanııa shotyndaǵy 15 mıllıon teńgeni alýǵa kómektesip, bank 1 mıllıon teńgeden astam aqshany qyzmeti úshin ustap qalǵan. Qarjyny alǵan qaýipsizdik qyzmetkerleri bank ustap qalǵan aqshany esepshiden talap etip, birneshe ret qorqytqan. Sot aldy otyrysy kezinde sottalýshy Kárimbaı Dabylov ózine qatysty qylmystyq isti toqtatýdy surady. Sonymen qatar, sottalýshylar sot protsesi kezinde tutqynda ustaý týraly sheshimdi úıqamaqqa aýystyrýdy surady. Biraq eki ótinish ta qoldaý tappady.
Aıta keteıik, sot otyrysy 6 qarasha kúni bastalady. Qylmystyq is 2016 jyly tirkeldi.
