Aqtóbede úlken tseh órtendi
ASTANA. QazAqparat - Aqtóbede qoıma men jonǵysh tseh ornalasqan eki qabatty ǵımarat órtendi. Bul týraly QazAqparat QR ІІM Tótenshe jaǵdaılar komıtetine silteme jasap habarlaıdy.
«21 sáýir kúni 04:40-ta Aqtóbe oblysyndaǵy jol quraldaryna metall bólshekter óndiretin «Adal Taý» JShS aýmaǵynda qoıma men jonǵysh tseh ornalasqan eki qabatty ǵımarat shatyrynan órt shyqty. Órt aýmaǵy 500 sharshy metrge deıin taraldy», - delingen Tótenshe jaǵdaılar komıteti taratqan habarlamada.
Tilsiz jaý 6:30-da aýyzdyqtalǵan jáne 07:10-da tolyq sóndirilgen.
Órt saldarynan eshkim zardap shekpegen. Qazir oqys oqıǵanyń sebebi anyqtalyp jatyr.
Komıtettiń habarlaýynsha, jalyndy sóndirýge otyzdan astam órt sóndirýshi men 8 arnaıy tehnıka jumyldyrylǵan. Sonymen birge, órt ornyna apattar medıtsınasy ortalyǵy men Tótenshe jaǵdaılar komıtetiniń brıgadalary shaqyrylǵan.
