Aqtóbede ýlanǵan balalar aýrýhanadan shyqty
AQTÓBE. KAZINFORM - Qobda aýdanynyń aýrýhanasynda em qabyldaǵan oqýshylar túgel úılerine shyǵaryldy.
Qobda aýdany Qobylandy batyr atyndaǵy orta mektep oqýshylarynyń densaýlyq jaǵdaıy jaqsy, búgin olar úılerine shyqty.
- Búgin 9 bala aýrýhanadan shyqty. Ózgeleri sol kúni, keshe jiberildi. Balalarǵa astan ýlaný dıagnozy qoıyldy,- dep habarlady Aqtóbe oblystyq densaýlyq saqtaý basqarmasynyń baspasóz qyzmeti.
Aıta keteıik, alǵashynda balalardyń táttiden ýlanǵany týraly aıtyldy. Bir synyptyń 23 oqýshysy aýrýhanaǵa jetkizildi.
Balalardy qaraýǵa oblystan pedıatr, ınfektsıonıst mamandar bardy.
Qazirgi kezde Aqtóbede epıdemıolog mamandar tekserý júrgizip jatyr. Dúken ıesinde arnaıy qujaty bolmady, ónimde tehnıkalyq reglamentterge sáıkes tańbalary joq.
