Aqtóbede úkimettik emes uıym ókilderi saılaý týraly zańdaǵy ózgeristerdi talqylady
Aqtóbe oblysy boıynsha partııalyq emes baqylaý júrgizetin oblystyq shtab búgin «Qazaqstan Respýblıkasyndaǵy saılaý týraly» Zańy boıynsha ózgertýlerdi talqylady. Oblystyq shtabtyń basshysy Erádil Ýbbınııazov pen «Tutynýshylardyń quqyqtaryn qorǵaý keńesi» qoǵamdyq birlestiginiń tóraǵasy, zańger Artem Konıahın úkimettik emes uıym baıqaýshylaryna 2020 jyldyń 4 jeltoqsany kúngi jańashyldyqtardy túsindirdi.
«Saıası partııa, qoǵamdyq uıym, úkimettik emes uıym atynan baıqaýshy bolýy úshin aldymen resmı tirkelýi shart. Ádilet departamentinde úsh kúshde tirkeýge múmkindik boldy. Sonymen birge daýys berý kúni foto, aýdıo jáne beınejazbany júzege asyrý úshin birqatar talap qoıyldy. Baıqaýshylaýshylar daýys berý jáne onyń qorytyndysyn shyǵarý kezinde kedergi keltirmeı, foto-vıedoǵa túsirip, aýdıo jaza alady. Tek daýys berý kezinde qupııalylyq saqtaýy, adamdardan jazbasha ruqsat alýy kerek. Ári saılaý ýchaskelerinen tikeleı efırge shyǵýǵa tyıym salynǵan. Baıqaýshy jazbalaryn tek azamattyq, qylmystyq ister jáne ákimshilik quqyq buzýshylyq týraly ister boıynsha dáleldeme retinde paıdalana alady», - dedi Artem Konıahın.
Aqtóbe oblysy boıynsha partııalyq emes baıqaýshylar saqadaı saı. Qazirgi kezde 2 myńnan astam adam bar. Oblys ortalyǵynda ǵana emes, aýdandardaǵy ár saılaý ýchaskesinde baqylaý júrgizedi.
«Sanıtarlyq talap saqtalýy tıis. Araqashyqtyqty saqtaý, maska taǵý, antıseptık qoldaný mańyzdy. Biz jan-jaqty daıyn otyrmyz. Baıqaýshylar ózge áriptesteri zań buzsa akt toltyryp, tirkeýge de quqyly», - dedi Erádil Ýbbınııazov.
