Aqtóbede TJM avıatsııasy úshin jańa angar salynady
ASTANA. KAZINFORM – Aqtóbede TJM avıatsııalyq bólimshesi úshin jańa angar salý josparlanyp otyr. Eki qabatty ǵımarat eki áýe kemesine arnalǵan. Joba 20 avıatsııalyq otrıadty damytý baǵdarlamasy aıasynda júzege asyrylady.
Jobany QR Tótenshe jaǵdaılar mınıstri Murat Muhanov pen Aqtóbe oblysynyń ákimi Ashat Shaharovqa «Álııa Moldaǵulova» atyndaǵy áýejaıda TJM «Qazavıaqutqarý» AQ bólimshesine barǵan kezde tanystyrdy.
Olar ekıpajdardyń jumysymen jáne bólimsheniń ushýǵa daıyndyǵymen tanysty.
Qurylys úshin jer ýchaskesi bólindi. Qazirgi ýaqytta jobalyq-smetalyq qujattama ázirlenýde, ony 2026 jyldyń tórtinshi toqsanynda aıaqtaý josparlanýda. Jańa angar áýe kemelerine tehnıkalyq qyzmet kórsetýge jáne olardyń shuǵyl ushýlarǵa turaqty daıyndyǵyn qamtamasyz etýge múmkindik beredi.
2026 jyldyń segiz aıynda TJM avıatsııasy oblys aýmaǵynda 65 ret ushyp shyqty. Onyń 45 jaǵdaıynda aýyr haldegi naýqastardy medıtsınalyq evakýatsııalaý qajet boldy. Ekıpajdar izdestirý-qutqarý jumystaryna da qatysyp, sý tasqyny qaýpi bar aýmaqtarǵa áýeden barlaý júrgizdi.
