Aqtóbede túzetý mekemesine sálemdeme jiberetinder kóbine neni jasyrady
AQTÓBE. KAZINFORM — Sálemdeme ishinen kóbine uıaly telefon, eskirtki zattary men aqsha tabylady. Bıyl 13 adam ákimshilik jaýapqa tartyldy.
Aqtóbe oblysy boıynsha QAJ departamenti baspasóz qyzmetiniń habarlaýynsha, № 70 túzetý mekemesine esirtki zattaryn ótkizbek bolǵan adam ustaldy. Esirtki baıaldy ezbesi salynǵan plastıkalyq bótelke ishine jasyrylǵan. Qazir osy derek boıynsha Qylmystyq kodeksiniń 297-babynyń 1-bóligi boıynsha sotqa deıingi tergep-tekserý bastaldy.
— Jyl basynan beri Aqtóbe oblysy boıynsha Qylmystyq-atqarý júıesi mekemelerindegi sálemdeme jiberý ornynda tyıym salynǵan birneshe zat tárkilendi. Onyń ishinde 34 000 teńge aqsha, 151,55 gramm esirtki zattary, 41 dana uıaly telefon bar. Sonymen qatar, 13 adam ustalyp, Ákimshilik quqyq buzýshylyq týraly kodeksiniń 481-babyna sáıkes jaýapqa tartyldy, — dep habarlady Aqtóbe oblysy boıynsha QAJ departamenti baspasóz qyzmeti.
Eske salsaq, Qyzylordada túrmege gambýrgerdiń ishine nasybaı jasyryp ótkizbek bolǵan. Bul týraly oblystyq qylmystyq atqarý júıesi departamentiniń baspasóz qyzmeti málimdedi.
