Aqtóbede túzetý mekemesine telefon alyp ótpek bolǵan qoqys shyǵarýshy ustaldy
AQTÓBE. QazAqparat - Aqtóbede qoqys shyǵarý kóliginiń júrgizýshisi túzeý mekemesine smartfondy jasyryn alyp kirmek boldy, dep habarlaıdy QazAqparat tilshisi.
Aqtóbe oblysynyń QAJ departamentine qarasty KA-168/2 mekemesiniń qyzmetkerleri jáne Ulttyq ulannyń 66/55 áskerı bólim qyzmetshileri túzeý mekemesine 2 smartfon jáne onyń qýattaǵyshyn jasyryn kirgizbek bolǵan kólik júrgizýshisin ustady. Tyıym salynǵan zattar qoqys shyǵarý maqsatynda túzetý ornyna kirmek bolǵan «KamAZ» avtokóliginiń salonynda jasyrylǵan.
«Kólik júrgizýshisi uıaly telefondardy sottalǵandarǵa paıdalanýǵa bermek bolǵan. Tárkileý aktisi jasalyp, zattar zertteýge jiberildi. Sondaı-aq, Ákimshilik quqyqbuzýshylyq Kodekstiń 481-baby boıynsha Aqtóbe qalasynyń mamandandyrylǵan ákimshilik sotyna qujat jiberildi», - dep habarlady Aqtóbe oblysy boıynsha QAJ departamentiniń baspasóz qyzmeti.
