Aqtóbede túıeni qaǵyp ketken júrgizýshi aýrýhanaǵa tústi
AQTÓBE. QazAqparat – Hromtaý qalasynan Aqtóbege bet alǵan júrgizýshi túıeni qaǵyp ketti. Ol jabyq bas-mı jaraqatymen aýrýhaǵana tústi, dep habarlaıdy QazAqparat tilshisi.
Oqıǵa Samara-Shymkent tasjolynyń 744 shaqyrymynda boldy. «ÝAZ-390945-440» kóligin júrgizip kele jatqan júrgizýshi joldy kesip ótpek bolǵan túıeni kórgen kezde shuǵyl toqtap úlgermegen. Nátıjesinde túıeni qaǵyp ketip, ózi jaralandy.
«Jol-kólik oqıǵasy kezinde júrgizýshiniń oń aıaǵy jaralanyp, mıy shaıqaldy. Ol jedel járdem aýrýhanasyna jetkizildi. Al túıe tiri, ony ıesi alyp ketti», - dep habarlady oblystyq PD baspasóz jetekshisi Erbolat Sarqulov.
