Aqtóbede túıe izdep, joǵalyp ketken aýyl turǵyndary tabyldy
AQTÓBE. QazAqparat - Aqtóbe oblysy, Baıǵanın aýdanynda túıe izdeýge shyǵyp, habarsyz ketken eki adam aman-esen tabyldy, dep habarlaıdy QazAqparat tilshisi.
19 jeltoqsan kúni Baıǵanın aýdandyq polıtsııa bólimine Oımaýyt aýylynyń turǵynynan aryz tústi. Túıe joǵalyp, balasy men onyń dosy «Ýral» mototsıklimen izdeýge shyǵyp, habarsyz ketken.
«Aýyldan 30 shaqyrym qashyqtyqtaǵy Aqqudyq jerine baǵyt alǵan eki adam joǵaldy. Polıtsııa eki top quryp, aýyl ákimdigi men turǵyndar kómek kórsetti. Olar 20 jeltoqsan kúni aýyldan 40 shaqyrym qashyqtyqta tabyldy. Ekeýi din aman, úıine oraldy», - dep habarlady oblystyq PD baspasóz qyzmetiniń jetekshisi Erbolat Sarqulov.
