Aqtóbede túrli deńgeıdegi máslıhattarda 203 depýtat saılanady
AQTÓBE. KAZINFORM — Búginde 185 okrýgtik saılaý komıssııasy jumys istep tur. Bir oblystyq, bir qalalyq jáne 12 aýdandyq máslıhatta 203 depýtattyq oryn bolady.
Aqtóbe oblystyq aýmaqtyq saılaý komıssııasynyń habarlaýynsha, oblystyq máslıhatta 34, Aqtóbe qalalyq máslıhatynda 30, al aýdandyq máslıhattarda 139 mandat bolady.
— Oblystyq máslıhat depýtattary aralas júıe boıynsha saılanady. Depýtattardyń 50%-y partııalyq tizim, al qalǵan 50%-y bir mandatty aýmaqtyq saılaý okrýgterinen, qalalyq jáne aýdandyq máslıhattardyń depýtattary bir mandatty aýmaqtyq saılaý okrýgterinen saılanady. Oblysta 185 okrýgtik saılaý komıssııasy jumys istep tur. Kandıdattardy usyný aıaqtalyp, tirkeý jalǵasyp jatyr. Tirkeý 1 qarashada saǵat 18:00–de aıaqtalady, — dep habarlady Aqtóbe oblystyq aýmaqtyq saılaý komıssııasy.
Aıta keteıik, Qyzylorda oblysynda 29 qarashaǵa belgilengen kezekten tys máslıhattar saılaýynda oblystyq, qalalyq jáne aýdandyq deńgeıde 152 depýtat saılanady.
