Aqtóbede turǵyndardy «Fınans» jáne «Fenix-24.net» depozıtterine aqsha salýǵa tartqan áıel ustaldy

AQTÓBE. QazAqparat – Aqtóbede «Fınans» jáne «Fenix-24.net» depozıtterine aqsha salyp, tabys tabýǵa kóndirgen kúdikti ustaldy, dep habarlaıdy QazAqparat tilshisi.

Krımınaldyq polıtsııa basqarmasynyń qyzmetkerleri jedel-izdestirý is-sharalaryn júrgizý barysynda 55 jastaǵy áıeldi ustady. 2020 jyldyń tamyz aıynan bastap oǵan qatysty Qylmystyq kodekstiń «Alaıaqtyq» baby boıynsha is qozǵalyp, izdeýde júrgen.

«Іzdeýdegi kúdikti 2019 jyly mol aqshaǵa kenelý maqsatynda ınternet-saıttardy paıdalanyp, azamattardy «Fınans» jáne «Fenix-24.net» depozıtterine aqsha salýǵa tartqan. Olarǵa aqshalaryn 40% ústememen qaıtaryp berýge ýáde etken. Ustalǵan áıel Aqtóbe qalasynyń ýaqytsha ustaý ızolıatoryna qamaldy», - dedi oblystyq PD baspasóz qyzmetiniń jetekshisi Erbolat Sarqulov.