Aqtóbede turǵyndar kishkentaı qyzdy zorlamaq bolǵan er adamdy ustady
AQTÓBE. QazAqparat - Aqtóbeniń «Nur Aqtóbe» yqsham aýdanynda kishkentaı qyzdy zorlamaq bolǵan er adam ustaldy, dep habarlaıdy QazAqparat tilshisi.
Aqtóbede er adam kishkentaı qyzǵa kámpıt berip, ony zorlamaq bolǵan jerinen ustaldy. Bul oqıǵaǵa turǵyndar kýáger bolyp, №30 basqarýshy kompanııanyń qyzmetkeri bárin áleýmettik jelige jarııalaǵan.
«Oqıǵa búgin boldy. Bizdiń kompanııa «Nur Aqtóbe» yqsham aýdanynda tazalyq jumystaryn júrgizedi. Sol kezde ustap alǵan», - dep habarlady №30 kompanııasynyń dıspetcher qyzmeti.
Oblystyq polıtsııa departamentiniń baspasóz qyzmetiniń habarlaýynsha, Qylmystyq kodekstiń «Jas balalardy azǵyndyq jolǵa túsirý» baby boıynsha is qozǵalyp, tergeý júrip jatyr.
