Aqtóbede turǵyn úıden órt shyǵyp, 3 adam ýlanyp qaldy
AQTÓBE. QazAqparat – Aqtóbede turǵyn úıde elektr togynan shyqqan órt páterge ulasty. Órt kezinde 25 adam qutqaryldy, dep habarlaıdy QazAqparat tilshisi.
28 aqpan kúni Aqtóbe qalalyq tótenshe jaǵdaılar qyzmetine 9 qabatty turǵyn úıden órt shyqqany týraly habarlama tústi. Aldymen elektr togynan órt shyǵyp, úshinshi qabattaǵy páterge ulasty. Barlyǵy 38 adam evakýatsııalansa, onyń 9-y bala. Tótenshe jaǵdaılar qyzmeti 25 adamdy qutqardy. Úsh adam ýly gazǵa tunshyǵyp, aýrýhanaǵa jetkizildi.
«Polıtsııa qyzmetkerleri Aıdyn Yrzalıev, Dastan Orynbasarov, Áıhan Qalıev kezekshilik kezinde №41 turǵyn úıden tútin shyqqanan kórdi. Olar birden órt sóndirýshilerdi shaqyryp, adamdardy dalaǵa shyǵardy. Kishkentaı balalardy kórpege orap, jedel qutqarý jumystaryn júrgizýge týra kelgen. Tútin qoıýlanǵan kezde podezdiń terezesin syrdyryp, barynsha kómek kórsetti. Qarttardy, múmkindigi shekteýli jandardy arqalap tómen túsirdi», - oblystyq PD baspasóz qyzmetiniń jetekshisi Erbolat Sarqulov.
