Aqtóbe turǵyndarynyń 404 mln teńgesin qoldy etken pıramıda uıymdastyrýshylary sottaldy

AQTÓBE. KAZINFORM - Aqtóbe oblysynda qarjy pıramıdasyn uıymdastyrýshylar sottaldy, dep habarlaıdy QR Qarjylyq monıtorıng agenttiginiń baspasóz qyzmeti.

Baspasóz qyzmetiniń málimetterine qaraǵanda, 2022 jyldyń naýryz aıynda D.I. Dáýletov, A.T. Janasaevtyń jetekshiligimen quramynda K.A. Qudasov, O. B.Jaılaýbaı jáne basqa da tulǵalar bar qylmystyq top «Auto Seller» JShS degen atpen avtokólik quraldaryn joǵary baǵamen satyp alyp, tómen baǵamen satýmen aınalysatyn qyzmetti búrkemelep, qarjy pıramıdasyn qurǵan.

«Auto Seller» JShS basshylary avtokólik ıelerine (tirkeý esebine qaramastan) eki-úsh aı ishinde teń bóliktermen tóleı otyryp, notarıaldy kýálandyrylmaǵan satyp alý-satý sharttaryn jasasyp, olardyń avtokólikterin 20%-ǵa qymbat satyp alýdy usynǵan.

Osydan keıin bul avtomobılder kólikti satýdy júzege asyratyn jańa tulǵalarǵa odan ári aqsha tóleý maqsatynda úshinshi tulǵalarǵa tómendetilgen baǵamen satyldy.

Satyp alý-satý sharttaryna sáıkes zalal somasy 404 mln teńgeni qurady.

Sot D.I.Dáýletovty 9 jylǵa, A.T.Janasaevty 8 jylǵa, K.A. Qudasovty 7 jylǵa jáne O.B. Jaılaýbaıdy 7 jylǵa bas bostandyǵynan aıyrýǵa úkim shyǵardy.

Úkim zańdy kúshine engen joq.