Aqtóbede turǵyndardy aldap, 100 mln teńgeni jymqyrǵan kúdikti ustaldy

ASTANA. KAZINFORM – Polıtsııa alaıaqtyq faktisi boıynsha qylmystyq isti tergep jatyr. 

Tergeý barysynda kórshi oblystyń turǵyny páterge jóndeý jumystaryn júrgizemin dep bir jyl ishinde 10-nan astam aqtóbelikti aldap, olardyń qarajatyn ıemdengeni anyqtaldy.

Kúdikti jábirlenýshilerden aldyn ala tólemdi qolma-qol alyp, keıin olarǵa habarlasýdy toqtatqan. Keltirilgen jalpy materıaldyq shyǵyn 100 mln teńgeden asady.

Qazirgi ýaqytta kúdikti ustalyp, ýaqytsha ustaý ızolıatoryna qamaldy. 

Aıta ketelik elordada esirtki qylmysyna qatysy bar eki adam qamaýǵa alynǵan edi.