Aqtóbede turǵyndar sýshıden ýlanyp, 8 adam jumystan shettetildi

AQTÓBE. KAZINFORM - Aqtóbede sýshı jetkizý ornynyń 8 jumysshysy ázirge eńbekke aralasa almaıdy. Epıdemıolog mamandar birneshe synama aldy.

Aqtóbede sýshı jep, aýrýhanaǵa túsken adamdar qazir em qabyldap jatyr. Al qalalyq sanıtarııalyq-epıdemıologııalyq baqylaý departamentiniń mamandary 8 qyzmetkerdi jumystan shettetti.

- Barlyǵy 8 adamnyń ýlanǵany týraly derek tirkeldi. Onyń tórteýi aýrýhanada jatyr, al tórteýi úıden em qabyldady. Aqtóbe qalalyq sanıtarııalyq-epıdemıologııalyq baqylaý departamenti ónimnen synama, qural-jabdyqtardan juǵyndy alyp, taldaý júrgizý úshin zerthanaǵa jiberdi. 8 adam jumystan shettetildi. Tekserý jalǵasyp jatyr,- dep habarlady oblystyq sanıtarııalyq-epıdemıologııalyq baqylaý departamentiniń baspasóz qyzmeti.

Buǵan deıin habarlaǵanymyzdaı, oblystyq klınıkalyq ınfektsııalyq aýrýhanaǵa túsken 8 adamnyń ekeýi bala.