Aqtóbede turǵyn úı-kommýnaldyq sharýashylyqqa jaýapty basqarma basshysy taǵaıyndaldy
AQTÓBE. KAZINFORM – Aqtóbe oblystyq energetıka jáne turǵyn-úı kommýnaldyq sharýashylyǵy basqarmasy basshysy qyzmetine Arysulan Aıtbaev taǵaıyndaldy. Ol buǵan deıin kommýnaldyq mekemede jumys istegen.
Aqtóbe oblysy ákiminiń baspasóz qyzmetiniń habarlaýynsha, búgin energetıka jáne turǵyn-úı kommýnaldyq sharýashylyǵy basqarmasy basshysy qyzmetine taǵaıyndalǵan Arysulan Aıtbaev Aqtóbe oblysynyń Yrǵyz aýdanynda dúnıege kelgen.
Joǵary bilimdi maman 2009 jyly Qazaq bas sáýlet-qurylys akademııasyn támamdaǵan.
Eńbek jolyn 2009 jyly «BogomolovPrektGrýpp» JShS-niń jobalaýshy ınjeneri bolyp bastaǵan.
Qurylys, sonyń ishinde ınjenerlik jeliler qurylysymen aınalysatyn jeke kásipkerlik sýbektilerinde túrli laýazymda jumys istegen.
2023 jyldyń qarasha aıynan bastap osy kezge deıin «Aqtobe su-energy group» AQ bas dırektorynyń orynbasary qyzmetin atqaryp keldi.
Aıta keteıik, búgin Aqtóbe oblystyq densaýlyq saqtaý basqarmasynyń basshysy da taǵaıyndaldy.
