Aqtóbede turaqtandyrý qoryndaǵy kókónis satyla bastady
AQTÓBE. QazAqparat – Aqtóbede turaqtandyrý qoryna saqtalǵan kókónis kommýnaldyq bazarlarǵa shyǵaryldy, dep habarlaıdy QazAqparat tilshisi.
«Aqtóbe» áleýmettik-kásipkerlik korporatsııasy qaladaǵy kókónis baǵasyn turaqtandyrý úshin taýar ınterventsııasyn jasady. ıAǵnı, turaqtandyrý qoryndaǵy kartop, sábiz, pııaz, qyryqqabat pen kúnbaǵys maıyn saýdaǵa shyǵardy. 400 tonna kartop, 35 tonna sábiz ben qyryqqabat, 60 tonna pııaz jáne 30 tonna kúnbaǵys maıy qaladaǵy «Tabys» kommýnaldyq bazarynda, shaǵyn bazarlarda, áleýmettik dúkenderde tómen baǵamen satylyp jatyr.
«Kartop pen sábizdiń kelisi -70 tg, pııaz – 55 tg, qyryqqabat – 75 tg, kúnbaǵys maıynyń bir qutysy - 300 tg. Turaqtandyrý qoryna bıyl barlyǵy 1 myń 400 tonna kartop, 100 tonna sábiz,100 tonna qyryqqabat, 200 tonna pııaz jınaqtaldy. Ótken jylǵa qaraǵanda bıyl kartoptyń kólemi 400 tonnaǵa, qyryqqabattyń kólemi 20 tonnaǵa artyq. Kókónis «Prıgorodnyı» sharýashylyǵynda ósirildi. Kelisim boıynsha sharýashylyq ónimdi qys boıy óz qoımasynda saqtady. Turaqtandyrý qoryn jasaqtaý úshin 2018-2021 jyldarǵa jergilikti bıýdjetten 309 mln teńge bólindi», - dedi «Aqtóbe» ÁKK agroónerkásip kesheni basqarmasynyń basshysy Ermek Batınov
