Aqtóbede Tuńǵysh Prezıdent kúnine oraı ashyq sabaq ótti
Aqtóbe qalasyndaǵy №72 mektep-lıtseıde «Qazirgi zamanǵy Qazaqstan. Elbasynyń kóshbasshylyq sabaqtary» dep atalatyn jalpyrespýblıkalyq ashyq sabaq ótti. Oǵan qatysý úshin M.Ospanov atyndaǵy Batys Qazaqstan memlekettik medıtsına ýnıversıteti áleýmettik-saıasat pánderi kafedrasynyń jetekshisi, fılosofııa ǵylymdarynyń doktory, professor Altaı Taıjanov arnaıy keldi.
Altaı Taıjanov mekteptiń Ábish Kekilbaev atyndaǵy murajaıyn aralap, bilim ordasyna arnaǵan izgi lebizin tilekter kitabyna jazyp qaldyrdy.
Ári qaraı kezdesý 9-synyp oqýshylarynyń arasynda, «Qazirgi zamanǵy Qazaqstan. Elbasynyń kóshbasshylyq sabaqtary» atty tárbıe sabaǵymen jalǵasty. Sabaq barysynda Tuńǵysh Prezıdent – Elbasy Nursultan Nazarbaevtyń Qazaqstan Respýblıkasynyń táýelsizdigin qalyptastyrýdaǵy mańyzdy róli ashyp kórsetildi. Bilim alýshylardyń sóıleý, este saqtaý, oılaý qabiletin damytý, oı-órisin keńeıtý, qasıetti Otanǵa degen sheksiz súıispenshilikke, Tuńǵysh Prezıdent úshin maqtana bilýge tárbıeleý jaıy keńinen aıtyldy.
Kezdesý barysynda Nursultan Nazarbaevtyń jańa bastamalary talqylanyp, professor oqýshylardyń qoıǵan suraqtaryna jaýap berdi. Kezdesý sońynda qurmetti qonaqqa kitap tartý etilip, qatysýshylar estelik fotoǵa tústi.
