Aqtóbede Tuńǵysh Prezıdent atyndaǵy saıabaq keńeıtilip jatyr

Aqtóbe qalasynda barlyǵy 66 saıabaq pen gúlzar bar. Sońǵy úsh jylda 48 demalys orny qala turǵyndary men qonaqtardyń ıgiligine berilgen. Oblys ákiminiń baspasóz qyzmetiniń habarlaýynsha, demalys oryndary «Týǵan jerge taǵzym» aktsııasy aıasynda salynyp, jańartyldy. Bul jumystarǵa memlekettik jáne qoǵamdyq uıymdardyń qyzmetkerleri, túrli kásiporyndar men belsendi azamattar qatysty. Qazirgi kúni sport jáne oıyn alańdary, velojoldar balalar men eresekterdiń bos ýaqytyn tıimdi ótkizýge berildi.

  «Densaýlyq saqtaý basqarmasynyń basshylyǵy men medıtsınalyq qaýymdastyq Batys-2 turǵyn úı kesheniniń turǵyndaryna «Densaýlyq saıabaǵyn» syılady. Saıabaqqa 1 500-den astam aǵash otyrǵyzylyp, fýtbol alańy, velosıped joly, ústel tennısi men vorkaýt alańy salyndy. Al Bolashaq shaǵyn aýdanynda jańa «Made in Aktobe» gúlzary ashyldy. Qarjygerler óz gúlzaryna «100 teńgelik» arhıtektýralyq músindi ornatty. Al qaladaǵy iri munaı kompanııasy «Dostyq» otbasylyq saıabaǵynashty. Aýmaǵy 14 gektar bolatyn saıabaqtyń qurylys jumystaryna 220 mıllıon teńge jumsaldy. Munda da balalardyń oıyn alańy, voleıbol, basketbol, shaǵyn fýtbol alańdary, ústel tennısi men jattyǵý alańy bar»,- dep habarlady oblys ákiminiń baspasóz qyzmeti.

Aıta keteıik, jyl sońyna deıin taǵy úsh gúlzar paıdalanýǵa beriledi. Sonymen qatar, oblys ortalyǵynda bir shaqyrym bolatyn júrginshiler arbaty ashylady. Munda sýburqaq, sýretshiler alleıasy iske qosylyp, qala turǵyndary men týrısterdiń demalýyna jaǵdaı jasalady. Ári Tuńǵysh Prezıdent atyndaǵy ortalyq saıabaq keńeıtilip, Astana saıabaǵy salynady.

«Tuńǵysh Prezıdent atyndaǵy saıabaqty keńeıtip, sonyń aıasynda Astana saıabaǵy salynady. Munda etno aýyl bolady. Ári sý jaǵasynda ǵashyqtar alleıasy jasaqtalyp, tarıhı eskertkishterge oryn beriledi. Jobany iske asyrý úshin qurylys jumystary jalǵasyp jatyr»,- dep habarlady oblys ákiminiń baspasóz qyzmeti.