Aqtóbede túngi klýb klıentteri polıtseılerden jasyrynyp qaldy
AQTÓBE. QazAqparat – Aqtóbe polıtsııasy karantın talabyn buzǵan túngi klýbty anyqtady. Demalýshylar polıtsııadan jasyrynyp qaldy, dep habarlaıdy QazAqparat tilshisi.
Oqıǵa 9 qazan kúni saǵat 02:19-da boldy. Polıtsııasynyń 102 nómirine Eset batyr kóshesinde ornalasqan túngi klýbtardyń biri karantın rejımin buzaǵany týraly habarlama tústi.
«Kórsetilgen mekenjaıǵa jedel-tergeý toby, patrýldik polıtsııa qyzmetkerleri jáne JQA Jarnaıy jasaǵynyń jaýyngerleri jiberildi. Oqıǵa ornyna kelgennen keıin shekteý is-sharalaryn, onyń ishinde karantın erejesiniń saqtalmaǵany anyqtaldy. Barlyǵy beınebaqylaý kamerasyna tirkeldi. Polıtseıler kelgen soń kelýshiler qosalqy bólmege jasyrynyp qalǵan. Atalǵan túngi klýbtan polıtsııa bólimine 8 adam jetkizildi, olardan jazbasha túrde jaýap alyndy», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, qazirgi ýaqytta QR ÁQBtK-niń 425-baby boıynsha hattama toltyrylyp, ákimshilik jaýapqa tartý úshin Aqtóbe qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy.
