Aqtóbede túnde qydyryp júrgen balalary úshin ata-analary aıyppul tóledi
AQTÓBE. QazAqparat – Aqtóbede «Jasóspirim» reıdi ótti. 200-den astam bala ishki ister bólimine jetkizildi, dep habarlaıdy QazAqparat tilshisi.
Kámeletke tolmaǵandar arasynda qylmystyń aldyn alý, balalar qaýipsizdigin qamtamasyz etý maqsatynda óńirde reıd júrdi. Jyl basynan beri 277 bala ishki ister bólimine jetkizildi. Onyń 252-niń janynda zańdy ókili bolmaǵan. Tún ishinde qydyryp júrgen balalardyń ata-analaryna aıyppul salyndy.
«Kámeletke tolmaǵan balasyn baqylaýsyz jibergeni úshin 23 ata-ana ákimshilik jaýapqa tartyldy. 40 jasóspirim jáne 38 jaısyz otbasy ishki ister bóliminiń esebine alyndy. Balalar men jasóspirimderdiń minez-qulqyndaǵy ózgeristi ýaqytyly baıqaý kerek. Eskerýsiz qalsa quqyq buzýshylyq pen qylmysqa uryndyrýy múmkin», - dedi oblystyq PD baspasóz qyzmetiniń jetekshi Erbolat Sarqulov.
