Aqtóbede tún jarymynda kóshe kezgen 222 jasóspirim polıtsııaǵa jetkizildi
AQTÓBE. QazAqparat - Aqtóbede polıtsııa qyzmetkerleri «Túngi qaladaǵy balalar» jedel aldyn alý is-sharasyn qorytyndylady, dep habarlaıdy Polisia.kz.
Sharanyń maqsaty - jasóspirimder arasyndaǵy qylmystyń aldyn alý, kámeletke tolmaǵandardyń zańdy ókilinsiz túngi ýaqytta oıyn-saýyq mekemelerinde jáne turǵyn úıden tys jerde bolýy, sondaı-aq jasóspirimderge alkogol men temeki ónimderin satýdyń aldyn alý.
20-23 qańtar aralyǵynda oblys aýmaǵynda ótken «Túngi qaladaǵy balalar» is-sharasy kezinde ıývenaldy polıtsııa ınspektorlary aýlalarda, saıabaqta jáne jastar kóp jınalatyn oryndarda, oıyn-saýyq oryndarynda reıd júrgizdi.
Onyń barysynda polıtsııa bólimine kámeletke tolmaǵan 240 bala, onyń ishinde túngi saǵat 23.00-den 06.00-ge deıin zańdy ókilinsiz júrge n 222 jasóspirim jetkizildi.
Kámeletke tolmaǵan balalardy tárbıeleý mindetin oryndamaǵany úshin 21 ata-ana ákimshilik jaýapkershilikke tartyldy.
ІІO esebine 28 jasóspirim jáne 32 qolaısyz otbasy qoıyldy.
