Aqtóbede túlekter keshi keıinge qaldyrylmaı atalyp ótiledi
AQTÓBE. QazAqparat - Aqtóbe oblysynda túlekter keshi qalypty jaǵdaıda ótedi, dep habarlady bilim basqarmasynan. Aqtóbe oblystyq bilim basqarmasy basshysynyń mindetin atqarýshy Rýslan Begimbetov keı BAQ-tardyń Aqtóbede 5 maýsymdaǵy oqıǵalarǵa baılanysty túlekter keshin ótkizýden bas tartý týraly aqparattaryn joqqa shyǵardy.
«Túlekter keshteri ótedi. 17 maýsymda saltanatty attestat tapsyrý sharalary men túlekter keshi ótedi», - dep habarlady Rýslan Begimbetov.
Begimbetovtyń sózine qaraǵanda, jyl saıynǵy «Jas Túlek - 2016» mektep túlekteriniń festıvali 17 maýsymda Tuńǵysh Prezıdent atyndaǵy saıabaqta ótedi. Festıvalden keıin qala jáne oblys mektepterinde túlekter baly ótedi.
