Aqtóbede tranzıttik reıster toqtatyldy
AQTÓBE. QazAqparat – Aqtóbede avto, temirjol vokzaldarynda zalalsyzdandyrý jumystary júrip jatyr. Áýejaıda tranzıttik reıster toqtady, dep habarlaıdy QazAqparat tilshisi.
«23 naýryzda Aqtóbe – Máskeý reısi toqtatyldy. Biraq el ishindegi reıster júrip jatyr. Temirjolda da tranzıttik baǵyttar toqtady. Endi Reseıdiń Orynbor, Orsk, Qazan qalalaryna avtobýs júrmeıdi. Al qalalar arasyndaǵy, ıaǵnı, Qostanaı, Oralǵa jol ashyq» - dedi oblystyq jolaýshylar kóligi jáne avtomobıl joldary basqarmasynyń basshysy Málimbet Ibrashev.
Aqtóbede oblystyq basqarma basshylary onlaın tártipte halyqqa túsindirý jumystaryn júrgizip jatyr.
«Avtobýs, temirjol, áýe bıletteri tapsyrylyp, quny keri qaıtarylyp jatyr. Shekara qyzmeti habarlama berdi. Sheteldikter óz eline qaıta alady, qazaqstandyqtar elge kirýge quqyly. Emge bara jatqan adamdar arnaıy qujatyn kórsetýi tıis», - dedi Málimbet Ibrashev.
