Aqtóbede «Toyota Land Cruiser» kóligi aýdarylyp, júrgizýshisi kóz jumdy
AQTÓBE. QazAqparat - Aqtóbede jol-kólik apaty bolyp, júrgizýshi oqıǵa ornynda kóz jumdy, dep habarlaıdy QazAqparat tilshisi.
Oqıǵa 13-tamyz kúni saǵat 17:20-da «Pokrovka-Jańajol» tas jolynda tirkeldi. «Toyota Land Cruiser» avtokóliginiń 45 jastaǵy júrgizýshisi Aqtóbe qalasy jaǵynan Temir aýdanynyń Keńqııaq kenti baǵytynda kele jatyp, rýlge ıe bola almaı qaldy. Saldarynan joldyń oń jaq bóligine aýdarylǵan.
«Avtokólik júrgizýshisi alǵan jaraqatynan oqıǵa ornynda kóz jumdy. Al 46 jastaǵy jolaýshy Keńqııaq aýyldyq aýrýhanasyna jatqyzyldy. QR QK 345-baby 3-bóligi «Abaısyzda adam ólimine ákep soqqan JQE buzý» boıynsha tergeý júrgizilip jatyr»,- dep habarlady oblystyq PD baspasóz qyzmetiniń jetekshisi Erbolat Sarqulov.
