Aqtóbede Toyota Alphard júk kóligimen soqtyǵysyp, tórt adam mert boldy
AQTÓBE. KAZINFORM - Oqıǵa Áıteke bı aýdanynyń Belqopa aýyly mańynda boldy.
«QazAvtoJol» UK» AQ habarlaýynsha, oqıǵa 15 tamyz kúni saǵat 14:00 shamasynda boldy. Áıteke bı aýdany Belqopa aýyly mańynda jeńil kólik pen júk kóligi soqtyǵysty.
-Aldyn ala málimetter boıynsha Toyota Alphard markaly mınıven men Volvo markaly júk kóligi soqtyǵysqan. Oqıǵa saldarynan tórt adam qaza taýyp, taǵy úsh adam ártúrli dene jaraqattaryn aldy. Oqıǵa bolǵan jerdi qaraý barysynda jol jamylǵysynyń asfaltbeton ári tegis ekeni anyqtaldy. Atalǵan ýchaskede shuńqyrlardy jóndeý jumystary júrgizilip jatyr. Jumys júrgizý erejesine sáıkes tıisti jol belgileri ornatylǵan, sondaı-aq jyldamdyqty saǵatyna 40 shaqyrymǵa deıin shekteý engizilgen,- dep habarlady «QazAvtoJol» UK» AQ.
Eske salsaq, Aqtóbede bir kún ishinde jol erejesin 12 ret buzǵan júrgizýshi ustaldy. Reseılik taksı júrgizýshisi 11 aıda jol erejesin 250 ret buzyp, 7,7 mln teńge teńge aıyppul arqalaǵan.