Aqtóbede toı jasaǵan meıramhana ıesine aıyppul salyndy
AQTÓBE. QazAqparat - Aqtóbede tótenshe jaǵdaı rejımin saqtamaı, saltanatty shara ótkizgen meıramhana ıesi jaýapkershilikke tartyldy, dep habarlaıdy QazAqparat tilshisi.
Polıtsııa 21 naýryz kúni meıramhanada saltanatty shara ótkizgenderdi anyqtady.
«Ákimshilik quqyqbuzýshylyq týraly kodekstiń 476-baby boıynsha ákimshilik hattama toltyrylyp, is sotqa jiberildi. Tótenshe jaǵdaı rejımi engizilgen kúnnen beri óńirde 15 derek tirkeldi. Bári de kóńil kóterý jáne kompıýterlik klýb. Olar jaýapkershilikke tartyldy», - dedi oblystyq PD baspasóz qyzmetiniń jetekshisi Erbolat Sarqulov.
