Aqtóbede tótenshe jaǵdaılar qyzmetine 35 tehnıka berildi
Aqtóbe oblystyq tótenshe jaǵdaılar departamentiniń avtoparki jańardy. Departamentke KamAZ markaly 22 órt sóndirý avtotsısternasy, qutqarý jumystaryn júrgizýge, órt nemese apat oryndaryn jaryqtandyrýǵa, úıindilerdi bólshekteýge, kranomanıpýlıatorlyq qondyrǵynyń kómegimen júkterdi kóterýge, sýdy soryp alýǵa arnalǵan ASA-20 markaly bir avtomobıl tapsyyryldy.
«Bıik ǵımarattardaǵy órtterdi sóndirý úshin bıiktigi 63 metrdi quraıtyn AKP-63 avtomobıli, jedel toptyń kezekshi tobyn oqıǵa ornyna jetkizýge arnalǵan 4 JAC avtomobıli, ótimdiligi joǵary «Ýral-4320» markaly 2 vahtalyq avtomobıli berildi. Sondaı-aq 4 jol talǵamaıtyn kólik TREKOL (vezdehod-bolotohod) jáne bir kran satyp alyndy. Bul tehnıkalar «Ónerkásipti damytý qory» AQ, jergilikti atqarýshy organdardyń qarajaty esebinen alynyp otyr», - dedi oblystyq TJD bastyǵy Marǵulan Amanbaev.
Aıta keteıik, tótenshe jaǵdaılardyń aldyn alý, joıý tapsyrmalaryn joǵary deńgeıde oryndaǵany úshin 3 qyzmetker «Halyq alǵysy» medalimen jáne birqatar qyzmetker oblys ákiminiń alǵys hatymen marapattaldy. Bıyl 11 aıda 3500-den astam shyqyrýǵa barǵan qyzmetkerler 451 adamdy aman alyp qaldy. Al myńnan astam adam qaýipsiz jerge kóshirilse, 200-den astam adamǵa alǵashqy medıtsınalyq kómek kórsetildi.
