Aqtóbede tótenshe jaǵdaılar qyzmetine 10 kólik berildi
AQTÓBE. QazAqparat - Aqtóbede tótenshe jaǵdaılar qyzmetiniń aýdandyq bólimderine 10 «Nıva» avtokóligi berildi, dep habarlaıdy QazAqparat tilshisi.
Aqtóbede tótenshe jaǵdaılar qyzmeti jyldy qorytyndylady. Oblys ákiminiń orynbasary Rahat Sydyqov Memleket basshysy qoıǵan negizgi mindetterdiń biri azamattardy órtten jáne ózge de tótenshe jaǵdaılardan qorǵaý, olardyń qaýipsizdigin qamtamasyz etý ekenin atap ótti. Qutqarýshylardy tehnıkalyq jabdyqtaý, bazany jańartý maqsatynda 2020 jyly jergilikti bıýdjetten 500 mıllıon teńgeden astam qarjy bólinetin boldy.
«Úzdik qutqarýshylarǵa arnap oblys ákiminiń atynan alǵys hattar tabys etildi. Keńeste 2019 jylǵy jetistikter men kemshilikter jan-jaqty talqylandy. Aqtóbelik qutqarýshylar qyzmeti ótken jyly 890 adamdy ajaldan aman alyp qaldy», - dedi oblystyq TJD baspasóz qyzmeti.
