Aqtóbede tótenshe jaǵdaılar qyzmeti júrgizýshilerge arnalǵan qosymshany iske qosty
AQTÓBE. QazAqparat - Aqtóbedegi tótenshe jaǵdaılar qyzmeti joldardyń jabylýy men qaýipti aımaq týraly aqparat beretin mobıldi qosymshany iske qosty, dep habarlaıdy QazAqparat tilshisi.
Aqtóbe oblysynda qaýipsizdik sharasy kúsheıdi. Sebebi, oblystyq tótenshe jaǵdaılar departamentiniń bastyǵy Baýyrjan Syzdyqov qys aılarynyń qatty ári uzaqqa sozylatynyn eskertip, jylytý beketteriniń sanyn eki esege arttyrǵanyn habarlaǵan bolatyn. Al endi mobıldi qosymshany iske qosty. Júrgizýshilerge baǵyt-baǵdar berip, joldar týraly aqparat taratyp, tótenshe jaǵdaı qyzmetiniń jumysyn jeńildetedi.
«Letmeget qosymshasy arqyly qar qursaýynda qalǵan joldar týraly aqparatty bilip otyrýǵa bolady. Bul qosymsha alys jolǵa shyǵatyn, kún raıyn bilmeıtin júrgizýshilerge óte yńǵaıly. Ári eń jaqyn jylytý beketi týraly da aqparat qarastyrylǵan. Qaýipsizdik sharasyn kúsheıtip, jolda qalǵan adam kómek jetkenshe ózi sheshim qabyldaı alatyndaı jaǵdaı jasap qoıdyq», - dep habarlady oblystyq TJD baspasóz qyzmeti.
Aıta keteıik, qazir Jergilikti polıtsııa qyzmeti, Ulttyq gvardııa jáne Tótenshe jaǵdaılar departamenti qutqarý, aldyn alý jumystaryna daıyn. Joldardy tazalaýǵa arnalǵan tehnıkalar men órt sóndirýshiler, medıtsına qyzmeti jumysyn pysyqtady. Al mobıldi jylytý ortalyqtary eki ese artyp, jumysyn bastady. Barlyǵy 500-den astam qyzmetker men 100-den astam tehnıka bar. Qazirgi kezde qar qursaýynda qalǵan adamdarǵa arnalǵan jylytý beketterine qajetti azyq-túlik jetkizildi. Barlyǵy 134 beket jumys istep tur. Ázirge bul beketterge eshkim kómek surap barmady.
