Aqtóbede tótenshe jaǵdaılar qyzmeti 40 adamdy qutqardy
AQTÓBE. QazAqparat – Aqtóbede respýblıkalyq jáne oblystyq mańyzy bar joldardan 40 adam qutqaryldy. Onyń jeteýi bala, dep habarlaıdy QazAqparat tilshisi.
Aqtóbe oblystyq tótenshe jaǵdaılar qyzmeti túni boıy qutqarý jumystaryn júrgizdi. 21-naýryz kúni Hromtaý aýdany Belqopa aýylynan 8 shaqyrym qashyqtyqta 6 kólik qalyp qoıdy. Aýdandyq tótenshe jaǵdaıdar qyzmetiniń mamandary 19 adamdy qutqardy. Olardyń ekeýi bala.
«Yrǵyz, Muǵaljar, Oıyl aýdandarynda da avarııalyq qutqarý jumystary júrgizildi. Tórt jeńil kólik ishinde 16 adam bolǵan. Onyń ekeýi bala. Sonymen birge Alǵa men Áıteke bı aýdandarynda eki kólik buzylyp, júrgizýshiler men jolaýshylarǵa kómek kórsetildi», - dep habarlady oblystyq TJD baspasóz qyzmeti.
Aıta keteıik, Yrǵyz aýdany Dońǵalaq qystaǵynan shyǵyp, adasyp ketken baqtashy joǵalyp ketti. Qutqarýshylar 57 jastaǵy er adamdy Janys bı aýylynan 9 shaqyrym qashyqtyqtan tapqan. Boryndy kúni adasyp ketken baqtashy din aman.
«Oblystyq tótenshe jaǵdaılar departamenti kóktem týǵanmen kún raıy áli de buzylyp turǵanyn eskertedi. Eger aldyn ala habarlandyrý bolsa, jolǵa shyqpaýǵa keńes beremiz», - dedi oblystyq TJD baspasóz qyzmeti.
