Aqtóbede tótenshe jaǵdaı rejımin buzǵan meıramhana ıesine aıyppul salyndy
AQTÓBE. QazAqparat - Aqtóbede tótenshe jaǵdaı rejımin saqtamaı, saltanatty shara ótkizgen meıramhana ákimshisi jaýapqa tartyldy, dep habarlaıdy QazAqparat tilshisi.
Polıtsııa 21 naýryz kúni meıramhanada saltanatty shara ótkizgenderdi anyqtady. Tótenshe jaǵdaı rejımin saqtamaǵan meıramhananyń ákimshisi jaýapqa tartyldy.
«Ákimshilik quqyqbuzýshylyq týraly kodekstiń 476-baby boıynsha ákimshilik hattama toltyrylyp, is sotqa jiberildi. Tótenshe jaǵdaı rejımi engizilgen kúnnen beri óńirde osyndaı 15 derek tirkeldi. Bári de kóńil kóterý oryndary jáne kompıýterlik klýbtar. Olar jaýapqa tartyldy», - dedi oblystyq PD baspasóz qyzmetiniń jetekshisi Erbolat Sarqulov.
