Aqtóbede tótenshe jaǵdaı kezinde kómektesken volonterler marapattaldy
Aqtóbelik 4 erikti azamattyq belsendiligi, qoǵamdyq tártip pen azamattardyń qaýipsizdigin qamtamasyz etýde ishki ister organdarynyń jumysyna kómek kórsetkeni úshin ishki ister mınıstri Erlan Turǵymbaevtyń alǵys hatymen marapattaldy.
Sonymen birge Aqtóbe oblystyq polıtsııa departamentiniń bastyǵy Atyǵaı Arystanov 19 volonterge alǵys hat berdi.
«Bıyl Eriktiler jyly bolyp jarııalandy. Olardyń arqasynda bizdiń elimizde kóp jumys atqarylýda. Búgingi kúnge deıin kómekke muqtaj adamdarǵa, azamattarǵa qol ushyn sozdy. Qıyn ýaqytta el úshin atqarǵan ıgi isteri úshin rızamyn. Tótenshe jaǵdaı kezinde ǵana emes, kúndelikti ómirde de kómek kórsetti, bizdiń qyzmetkerlerimizben birge iz-tússiz joǵalǵan adamdardy izdeýge atsalysyp, shyn máninde bizdiń elimizdiń patrıoty ekenin dáleldedi», - deıdi Aqtóbe oblysynyń PD bastyǵy Atyǵaı Arystanov.
Óz kezeginde izdeý eriktiler tobynyń jetekshisi Ekaterına Golotına alǵysyn aıtty.
«Biz árdaıym izdeý jáne TJ kezinde qoldaýǵa daıynbyz. Qoldaý bildirip, birge jumys istegen polıtsııa qyzmetkerlerine alǵys aıtamyz», - dedi ol.
