Aqtóbede tisin emdetken 61 adam gepatıt juqtyrdy

AQTÓBE. QazAqparat – Aqtóbede bıyl tis dárigerine qaralyp, em qabyldaǵan 61 adam V gepatıtin juqtyrdy. Bul týraly oblystyq sanıtarııalyq-epıdemıologııalyq baqylaý departamentiniń baspasóz qyzmeti málimdedi, dep habarlaıdy QazAqparat tilshisi.

Bıyl Aqtóbe oblysynda sozylmaly V gepatıtiniń 88 jaǵdaıy anyqtaldy. Bul ótken jylmen salystyrǵanda ósim 1,5 ese kóp.

«Tis dárigeriniń tekserýinen keıin 61 adam V gepatıtin juqtyrǵan. Sondaı-aq, sulýlyq salondary men shashtarazdarǵa barǵan adamdardan ınfektsııa anyqtaldy.

V gepatıti vırýsy – baýyrdyń zaqymdanýynan bolatyn juqpaly aýrý. Kóbine teri sarǵaıyp, metabolızmniń buzylýy kezinde anyq kórinedi. Ýaqyt óte kele bul sozylmaly gepatıt pen baýyr tsırrozyna ákelýi múmkin. Infektsııa kózi – naýqas adam jáne sozylmaly tasymaldaýshylar. Kóbine qan arqyly, qaıta paıdalanýǵa bolatyn quraldardy qoldanǵanda juǵady. Qazirgi kezde sulýlyq salondary nemese shashtarazdarda jıi kezdesedi. Olarda zararsyzdandyrý rejımi buzylǵannan», - dep habarlady oblystyq sanıtarııalyq-epıdemıologııalyq baqylaý departamentiniń baspasóz qyzmeti.

Eske salsaq, Aqtóbe qalasynda ıadrolyq medıtsına ortalyǵy salynady. Túrik ınvestorlary jobaǵa 50 mln teńge jumsamaq.