Aqtóbede terrorızmdi nasıhattady degen kúdikpen eki er adam ustaldy
ASTANA. QazAqparat - Ulttyq qaýipsizdik komıteti terrorızmdi nasıhattady degen kúdikpen Aqtóbe qalasynyń eki turǵynyn ustady, dep habarlaıdy QazAqparat vedomstvonyń baspasóz qyzmetine siltememen.
«15 qarashada Ulttyq qaýipsizdik komıteti ishki ister organdarynyń qatysýymen júrgizgen jedel-izdestirý is-sharalarynyń nátıjesinde radıkaldy dinı nanymdarynyń negizinde terrorızmdi nasıhattady, terrorıstik top qurdy jáne onyń áreketine qatysty degen kúdikpen Aqtóbe qalasynyń eki turǵyny ustaldy» delingen habarlamada.
Málimetke saı, olardyń turǵylyqty mekenjaılarynan qoldan jasalǵan jarylǵysh qurylǵylardyń bólshekteri, atys jáne sýyq qarý, oq-dáriler, sondaı-aq ekstremıstik sıpattaǵy materıaldar, sonyń ishinde urys
is-qımyldaryn júrgizý jónindegi nusqaýlyq alyndy.
17 qarashada Aqtóbeniń eki turǵyny da sot sanktsııasymen qamaýǵa alyndy. Tergeý jalǵasýda.
