Aqtóbede teris dinı aǵymda júrgender eki qyzdy zorlap ketti
AQTÓBE. QazAqarat - Aqtóbede jat dinniń jeteginde júrgen eki adam páterde turatyn eki stýdentti zorlap ketti. Bul derekti oblystyq Іshki ister departamentiniń krımınaldyq polıtsııa men ekstremızmge qarsy is-qımyl basqarmasy anyqtady, dep habarlaıdy QazAqparat tilshisi.
Aqtóbe oblystyq ІІD búgin teris aǵym jeteginde júrgenderdiń qylmysyn áshkereledi. 37 jáne 35 jastaǵy eki kúdikti ustaldy. Olar buryn sottalǵan, jat dindi ustanady, sondaı-aq olar esirtki qoldanǵan.
«Eki kúdikti Aqtóbe qalasy Ábilqaıyr han dańǵyly boıyndaǵy páterlerdiń birin tonaǵan. Olar quny 300 myń teńgege baǵalanatyn zattardy alyp ketken. Keıin 26 jáne 21 jastaǵy qyzdardy zorlaǵan. Osy oqıǵaǵa baılanysty Aqtóbe qalalyq Іshki ister basqarmasy QR Qylmystyq kodeksiniń «Qaraqshylyq», «Zorlaý», «Seksýaldyq sıpattaǵy zorlyq-zombylyq áreketteri» baptary boıynsha iz qozǵady. Polıtsııa qyzmetkerleri osy aýyr qylmystyń izin sýytpaı ashyp, qylmyskerdi qolǵa túsirdi. Qazir olar qamaýǵa alyndy. Kóp uzamaı sot aldynda jaýapkershilikke tartylatyn bolady. Olar jasaǵan qylmystary úshin 5 jyldan 10 jylǵa deıin bas bostandyqtarynan aıyrylýy múmkin», - dedi oblystyq Іshki ister departamentiniń krımınaldyq polıtsııa men ekstremızmge qarsy is-qımyl basqarmasynyń basshysy Baýyrjan Atabaev.
Aıta keteıik, óńirde jat din jeteginde júrgenderdiń qylmysqa qatysy bar-joǵy tekserilip jatyr. Jyl basynan beri dástúrli emes din jeteginde júrgen 19 adamnyń 25-i qylmysqa qatysy bar ekeni anyqtalyp otyr. Olardyń urlyq, uryp tonaý, qaraqshylyq shabýyl jasaý, qorǵansyz áıelderdi zorlaý qylmystaryna qatysy bar.
