Aqtóbede tergeýdegiler konstıtýtsııalyq quqyǵyn paıdalanyp daýys berdi

AQTÓBE. QazAqparat - Aqtóbede Qylmystyq atqarý júıesi departamentine qarasty KA-168/1 tergeý mekemesindegi №89 saılaý ýchaskesinde tergeýdegi jáne sot úkimi zańdy kúshine enbegen kúdiktiler jáne aıyptalýshylar daýys berdi, dep habarlaıdy QazAqparat tilshisi.

Saılaý naýqany kezinde sanıtarlyq talaptardyń saqtalýy baqylaýda boldy.

Daýys berýge arnalǵan ǵımarat ishinde dezınfektsııa jasalyp, jeldetildi.

Áleýmettik araqashyqtyq saqtaldy.

Jergilikti ýaqyt boıynsha saǵat 7:00-de bastalǵan saılaýda KA-168/1tergeý mekemesindegi daýys berýge quqyly 241 azamat óz tańdaýyn jasap, daýys berdi.

«Saılaý kezinde barlyq talap saqtaldy. Sondaı-aq, saılaý komıssııasynyń barlyq músheleri aldyn ala PTR testileýden ótti. Buǵan deıin tergeý ızolıatorynyń qyzmetkerleri kúdiktiler men aıyptalýshylarǵa saılaý quqyǵy jáne daýys berý tártibi týraly jan-jaqty aqparat bergen bolatyn»,- dep atap ótti Aqtóbe oblysy boıynsha QAJ departamentiniń bastyǵy Almas Shamıshev.