Aqtóbede tergeý ızolıatorynan qashyp ketken eki kúdikti ustaldy
Aqtóbe qalasyndaǵy tergeý ızolıatorynan 19 jáne 25 jastaǵy eki kúdikti qashyp ketip, ustaldy, dep habarlaıdy Kazinform.
Aqtóbe oblystyq Polıtsııa departamenti 12 qarasha kúni qashyp ketken kúdiktilerdi izdestirdi. Olar aýyr qylmys jasady degen kúdikpen tergeý ızolıatoryna jetkizilgenimen, boı tasalap úlgergen. Bul derekti polıtsııa rastady.
- Polıtsııa qyzmetkerleri jedel-izdestirý is-sharalary barysynda atalǵan adamdardy ustady. QR QІJK-niń 201-babyna sáıkes qylmystyq isti tergeý sheńberindegi ózge de aqparat jarııa etilýge jatpaıdy,- dedi oblystyq Polıtsııa departamenti baspasóz qyzmetiniń jetekshisi Erbolat Sarqulov.
Ázirge kúdiktilerdiń qalaı qashyp ketkeni aıtylmady. Tipti olarǵa jaýapty qyzmetkerlerge qandaı jaza taǵaıyndalǵany belgisiz.
